Sendares 3 - Cervás Lubre

Este percorrido comeza na igrexa de Santa Olaia de Lubre, na parroquia de Ares. Considerada como románica de fianis do século XIV ou principios do XV, aínda que existen escritos do século XII onde aparece nomeada. Sufriu varias reformas ao longo da súa historia. Trátase dunha edificación dunha soa nave, con amplos contrafortes e campanario. No seu interior existen varias lápidas sepulcrais e un altar de pedra. A ruta transcorre un 70% por sendeiros de terra e un 30% por asfalto, con un desnivel positivo de 340m, sen grandes pendentes. Boa parte por zona de costa onde teremos que ter en conta o vento, sobretodo en inverno. Esta ruta pódese realizar tanto a pé como en BTT. Como zonas de maior interese, destacamos Punta de Santa Mariña, coa súa praia e castro, onde podemos apreciar a zona do foxo e as murallas. Na súa cima atoparemos restos dunha antiga batería militar costeira. Moi perto se atopa a Cova dos Mouros, un túnel excavado nos cantís, duns 120 metros de lonxitude e coa súa orixe asociada a un castro, aínda que é incerto.