PARA GARDAR. ESCOLA DE GRUPO INSTRUCTIVO DE REDES-CAAMOUCO

[1915] Modernismo Esta Asociación Educativa foi fundada na Habana en 1911 por un grupo de emigrantes de San Vicente de Caamouco. Pouco despois crearon nesta parroquia unha delegación presidida por Nicolás Noche Castro, un dos impulsores da construción do colexio da Tenencia, inaugurado en 1915. Foi construído polo mestre de obras José Calvo. É un edificio singular que destaca pola súa harmonía arquitectónica. Tiña dúas aulas, separadas por un corredor central, e un baño en cada unha. Tamén contaba con amplos xardíns para diversas actividades deportivas e de lecer.