En Ferrolterra, os amantes do BTT descubrirán a cultura, a natureza e a gastronomía a golpe de pedal. É por iso que o Centro BTT de Esmelle pon á nosa disposición 7 traxectos circulares, 6 deles balizados, de diversa dificultade. Transcorren pola súa costa e vales, pasando por lugares de interese como o Cabo Prior e as súas baterías, as praias de Doniños, San Xurxo, Ponzos e Santa Comba, o castelo de San Felipe, os muíños e lavadoiros restaurados de San Xoan de Esmelle ou a ermida de Chamorro (S.XVI). Chamorro é un pequeno monte do noroeste de Ferrol, poboado de vexetación baixa e dende o cal se pode ter unha fermosa vista panorámica da ría de Ferrol e val de Serantes. Nel levántase sobre varios bloques graníticos e integrada con algúns deles, a ermita da Virxe do Chamorro, tamén chamada Nosa Señora do Nordés, patroa dos mares de Ferrol. Non se ten unha datación exacta, pero crese que a ermida é de finais do século XV ou principios do XVI. A ruta está pensada principalmente para BTT, pero pódese realizar tamén a pé. Transcorre un 70% por pista forestal e sendeiros e un 30% por asfalto.